مـــاتـوا الــطــيـبــيـنـــا .

[جهااااد]

من قصائد الشاعر :- علي بن احمد العويض.

ارجو ان اكون توفقت في اختيارها.


مدري نعيب الوقت ولا بنا عيب=والظن والله انه العيب فينا
شح الوفاء يا خوي بين الاصاحيب=من حرصنا قمنا نشك بخوينا
لين التعامل صار بالشك والريب=ننهي علاقتنا وحن ما بدينا
اخوان نتعامل سواة الاجانيب=خوينا نخاف يقلب علينا
الذيب وهو الذيب ما ياكل الذيب=وحنا بعضنا لحمنا ماكلينا
شفنا بعضنا من بعضنا معاطيب=جرح بأثر جرح ولا قد برينا
على الاذى نتبع جميع الاساليب=لا خايفين الله ولا مستحينا
قلوبنا بالحقد دايم معاشيب=ومن العلوم الغانمه ممحلينا
عاداتنا وسلومنا والمواجيب=راحت لعل الله يخلف علينا
ما عاد صرنا تعتني بذرة الطيب=نعيد دايم . ماتوا الطيبينا