ياعليو

[الشاعر عبداللطيف الفضلي]

هذه القصيدة كتبتها مخاطباً أخي علي عندما دخلت المجلس ورأيت أبي يفكر في فعل شخص ردي لايستحق التفكير فيه


ياعليو صب الكيف للضيف صبه=في مجلسٍ للضيف بالدوم مفتوح


لب الندا ياخوي ياخوي لبه=لمن ركد صبّه بعد هادي الفوح


والنار لاجا الضيف لزمٍ تشبّه=ودلال رسلانٍ ترى تسبي الروح


قنّد دماغ اللي نشا من مشبّه=يطرب لفنجالٍ به الهيل مملوح


يابو سعودٍ ما تجي لك مسبّه=مجلسك مدهالٍ تجي الناس وتروح


قلبك سموحٍ فايضٍ بالمحبّه=منصور ياللي بلسن الناس ممدوح


اللي عثر كبّه عساه المكبّه= مسكين حاقد داخل القلب مجروح


غيضك كما الاعصار لاجا بمهبّه=يعود خايب منكسر ثم مكسوح


يصبح كما جمر احترق في مشبّه=هذا مصير اللي به الود ممسوح


سبحان من ينبت شجرنا بحبّه=غطّى الجبال العاليه واصبح سفوح

وعداد ماصب المطر من مصبّه=صلّوا على الهادي سرى بصحبة الروح

[//بنوته غير//]

صــح لسآنك شآعرنآ ولآهــــنت ..

قــصيدهـ رآئـعه من شـآعر رائــع

دآئمآ يعجبني الأطلآع ع قصآئدك وردودك

لك ودي وأحترآمي .. لآعــدمنآ يمناك

[جووود]

.
.*.
.*.


صح لسانك شاعرنا

لقد راق لي ماخطته اناملك

والى مزيد من التميز

تقبل مروري وتحياتي ..

جووود


.*.
.*.
.

[الشاعر عبداللطيف الفضلي]

بنوته غير أشكرك على مرورك العطر الذي عطر متصفحي وكذلك جووود الذي صاغت أنامله أجمل الردود والتعليقات وما أقول الا بيض الله وجهيكما